Qazaqstan Respýblıkasynyń Táýelsizdik kúnine arnalǵan saltanatty is-sharada 80-ge jýyq polısııa qyzmetkerine túrli marapattar tapsyryldy.
Oblystyq polısııa departamenti bastyǵynyń orynbasary, polısııa polkovnıgi Qanat Aıtbaev ardagerler men áriptesterin táýelsizdik merekesimen quttyqtady. Qyzmet kórsetýdiń servıstik úlgisi boıynsha vedomostvojda jarqyn mysaldar kóp, dedi ol óz sózinde.
Qyzmetterin adal atqaryp, joǵary jetistikterge jetkeni úshin bes qyzmetker «Astanaǵa 20 jyl» mereıtoılyq medalin , tórt ofıser oblys ákiminiń qurmet gramotasyn, 50 astam qyzmetker ishki ister mınıstriniń marapattaryn aldy.
Úsh qyzmetkerdiń sheni joǵarylatyldy. Olardyń arasynda «polısııa polkovnıgi» shenine tyldyq qamtamasyz etý basqarmasynyń bastyǵy Narıman Ybyraev ıe boldy. Ol ishki ister organdarynda 1997 jyldan qyzmet etip keledi. «Polısııa podpolkovnıgi» shenin qalalyq jergilikti polısııa qyzmeti bólimi bastyǵynyń orynbasary Shámshıden Aqyshov ta aldy. Ofıserlerdiń aıtýynsha, mundaı marapat qyzmettik mindetterdi úlgili atqarýǵa mindetteıdi.
Merekelik is-shara departamenttiń mádenı ortalyǵynyń konsertine ulasty.
О́mir ESQALI,
«Egemen Qazaqstan»
Soltústik Qazaqstan oblysy